کراچی میں کار سوار کی فائرنگ سے مبینہ ڈاکو ہلاک

کراچی میں کار سوار کی فائرنگ سے مبینہ ڈاکو ہلاک ہوگیا۔

پولیس کے مطابق یہ واقعہ کراچی کے علاقے گلستان جوہر بلاک 10 میں پیش آیا جہاں مبینہ ڈاکو کار سوار  کو لوٹنے آیا تھا جس پر کار سوار نے فائرنگ کر دی۔

 پولیس نے بتایا کہ فائرنگ سے مبینہ ڈاکو ہلاک ہو گیا جبکہ ہلاک شخص سے اسلحہ، موبائل فون اور رقم بھی برآمد ہوئی۔

عینی شاہدین کے مطابق موٹر سائیکل سوار  ڈاکو  تھا جسےکار سوار نےگولی ماری۔

دوسری جانب کراچی کے علاقے پرانا گولی مار میں پولیس مقابلے میں 6 منشیات فروش گرفتار کر لیے گئے۔

پولیس کے مطابق منشیات فروشوں سے ایک کلو گرام آئس، منشیات پیک کرنے کا سامان اور 6 موٹر سائیکلیں بھی برآمد ہوئیں۔