12 مئی ، 2024 
امریکا کی اسرائیل کو حماس رہنماؤں سے متعلق خفیہ معلومات فراہم کرنے کی پیشکش
12 مئی ، 2024
غزہ: رفح میں بڑا آپریشن روکنے کے لیے امریکا نے اسرائیل کو حماس رہنماؤں سے متعلق خفیہ معلومات فراہم کرنے کی پیشکش کر دی۔
امریکی اخبار کی رپورٹ کے مطابق امریکا نے رفح میں بڑے پیمانے پر آپریشن نہ کرنے کے بدلے اسرائیل کو غزہ میں حماس رہنماؤں کو نشانہ بنانے کیلئے خفیہ معلومات دینے اور حماس کی سرنگوں کے نیٹ ورک کی معلومات دینے کی پیشکش کی ہے۔
حماس نے رفح میں اسرائیلی آپریشن اور فلسطینیوں کے خلاف انسانیت سوز جرائم کا مکمل ذمہ دار بائیڈن انتظامیہ کو قراردیا ہے اور کہا ہے کہ امریکا صیہونی فسطائیت کے جرائم پر مسلسل پردے ڈال رہا ہے۔
حماس کاکہنا ہے کہ اقوام متحدہ، عالمی برادری ڈرنا چھوڑے، غزہ میں حملے روکنے اور امداد فراہمی کے لیے اسرائیل پر دباؤ بڑھائے۔
رپورٹس کے مطابق اسرائیلی فوج نے فلسطینیوں کو رفح کے مشرقی اور وسطی علاقوں سے انخلا کا حکم دے دیا ۔اسرائیلی فوج کا دعویٰ ہے کہ اسرائیلی فورسز نے غزہ پٹی کے رفح شہر سے 3 لاکھ فلسطینیوں کا انخلاء کر ادیا۔
دوسری جانب غزہ میں اسرائیلی فوج کے حملے جاری ہیں کل سے اب تک مزید 30 سے زیادہ فلسطینی شہید ہوگئے ہیں۔
مزید خبریں :
'پاکستان میں بہت مضبوط لیڈر شپ ہے'، امریکی صدر ٹرمپ
4 گھنٹے پہلے
اس سال 16 لاکھ سے زائد عازمین نے حج کی سعادت حاصل کی
8 گھنٹے پہلے
