وزیرِ اعظم شہباز شریف کی زیرِ صدارت اقتصادی مشاورتی کونسل کا پہلا اجلاس ہوا۔
مشاورتی کونسل کے پہلے اجلاس میں اقتصادی پالیسیوں، اصلاحات میں معاشی ماہرین اور نجی شعبے سے مشاورت کو کلیدی اہمیت دینے کا فیصلہ کیا گیا۔
اجلاس کے دوران وزیراعظم کا کہنا تھا کہ پاکستان کی معاشی صورتحال پہلے سے بہتر ہے، ہم ملک کی معاشی ترقی، روزگار کی فراہمی اور کاروبار اور سرمایہ کاری کے فروغ کیلئے پہلے دن سے نجی شعبے کو سہولیات فراہم کرنے کے مشن پر کام کر رہے ہیں۔
انہوں نے کہا کہ ملک میں مہنگائی کی شرح میں کمی آ رہی ہے، گورننس کے ذریعے مہنگائی میں کمی کے اثرات عام آدمی تک پہنچانے کے اقدامات کر رہے ہیں۔
آئندہ بجٹ میں غیر ملکی سرمایہ کاروں، کاروباری برادری کو مزید سہولیات فراہم کریں گے، عام آدمی پر ٹیکس کی شرح کم کرکے ٹیکس دہندگان کی تعداد بڑھائیں گے۔
22 مئی ، 2024 
