26 مئی ، 2024 
پاکستان
وزیراعلیٰ خیبرپختونخوا علی امین گنڈاپور نے وزارت داخلہ میں وفاقی وزیرداخلہ محسن نقوی اور وزیر توانائی اویس لغاری سے ملاقات کی، فوٹو: ایکس (ٹوئٹر)
علی گنڈاپور کی محسن نقوی سے ملاقات، کے پی کے معاملات ملکر حل کرنے پر اتفاق
26 مئی ، 2024
اسلام آباد: وفاقی اور خیبرپختونخوا حکومت نے معاملات کو مل بیٹھ کر حل کرنے پر اتفاق کر لیا۔
اسلام آباد میں وزیراعلیٰ خیبرپختونخوا علی امین گنڈاپور کی وفاقی وزیر داخلہ محسن نقوی اور وزیر توانائی اویس لغاری سے ملاقات ہوئی، ملاقات میں صوبہ خیبر پختونخوا کی موجودہ صورتحال پر تبادلہ خیال کیا گیا۔
وفاقی وزرا اور وزیراعلیٰ خیبرپختونخوا کے درمیان ملاقات میں لوڈشیڈنگ، بجلی سے متعلق معاملات اور دیگر مسائل سے متعلق اہم پیش رفت ہوئی اور وفاق اور کے پی کے نمائندوں نے معاملات کو مل بیٹھ کر حل کرنے پر اتفاق کیا۔
ملاقات میں وفاقی وزرا اور وزیراعلیٰ خیبرپختونخوا کی جانب سے پیر کو دوبارہ ملاقات کرنے کا فیصلہ بھی کیا گیا۔
