29 مئی ، 2024 
پاکستان
فوٹو: فائل
عمران خان نے پنجاب حکومت کی جانب سے سنگین کیسز کی منظوری چیلنج کر دی
29 مئی ، 2024
پاکستان تحریک انصاف کے بانی عمران خان نے پنجاب حکومت کی جانب سے سنگین کیسز کے اندراج کی منظوری لاہور ہائی کورٹ میں چیلنج کردی ۔
لطیف کھوسہ کی وساطت سےدرخواست دائر کی گئی، درخواست میں پنجاب حکومت، آئی جی، وزارت داخلہ، دیگر کو فریق بنایا گیا ہے۔
درخواست میں مؤقف اپنایاگیا ہے کہ بانی پی ٹی آئی اس وقت مختلف کیسز میں اڈیالہ جیل میں قید ہیں، پنجاب حکومت نے عمران خان سمیت دیگر قیادت پر سنگین مقدمات کی منظوری دی، پنجاب کابینہ کا یہ اقدام آئین کے آرٹیکل 10کی خلاف ورزی ہے۔
درخواست میں استدعا کی گئی کہ عدالت پنجاب حکومت کے سنگین مقدمات کی منظوری کا اقدام کالعدم قرار دے۔
