فیض آباد دھرنےکی تحقیقات کیلئے نیا کمیشن بنانا چاہیے یا نہیں؟ فیصلےکیلئےکمیٹی قائم

اسلام آباد: وفاقی حکومت نے فیض آباد دھرنا کیس سے متعلق نئی کابینہ کمیٹی بنا دی ہے۔

کمیٹی سفارش کرے گی کہ فیض آباد  دھرنےکی تحقیقات کے لیے نیا کمیشن بنانا چاہیے یا نہیں؟ کابینہ کمیٹی دو ہفتے میں اپنی سفارشات دےگی۔

کابینہ ڈویژن کی جانب سے جاری نوٹس کے مطابق کمیٹی اگر نیا کمیشن  بنانےکی سفارش کرتی ہے تو ٹی او آرز کا تعین بھی کرےگی، کابینہ کمیٹی کی سربراہی وزیر قانون اعظم نذیر تارڑ کریں گے۔

وزیرداخلہ، وزیراسٹیبلشمنٹ ڈویژن، اٹارنی جنرل اور سیکرٹری قانون کمیٹی کے ممبران ہوں گے۔

وفاقی کابینہ نے فیض آباد دھرنا انکوائری کمیشن رپورٹ پر عدم اطمینان کا اظہار کردیا

وفاقی کابینہ نے فیض آباد دھرنا انکوائری کے لیے خصوصی کمیٹی قائم کرنے کی ہدایت کی ہے۔ خصوصی کمیٹی اس سلسلے میں اپنی سفارشات پیش کرے گی۔

فیض آباد دھرنا انکوائری کمیشن نے سابق ڈی جی آئی ایس آئی فیض حمید کو کلین چٹ دیدی

پنجاب حکومت نے ٹی ایل پی مارچ کو لاہور میں روکنے کے بجائے اسلام آباد جانے کی اجازت دی، حکومت پنجاب غافل اور کمزور رہی جس کے باعث خون خرابہ ہوا: رپورٹ