31 مئی ، 2024 
پاکستان
ڈپٹی کمشنر آفس نے پی ٹی آئی کو روات جی ٹی روڈ پر جلسے کی اجازت دیدی: انتظامیہ کا ہائیکورٹ میں جواب/ فائل فوٹو
پی ٹی آئی کو جلسے کی اجازت دیدی، اسلام آباد انتظامیہ کا عدالت میں جواب
31 مئی ، 2024
اسلام آباد انتظامیہ نے تحریک انصاف کو جلسے کی اجازت دے دی۔
اسلام آباد ہائیکورٹ میں پی ٹی آئی کو وفاقی دارالحکومت میں جلسے کی اجازت نہ دینے سے متعلق توہین عدالت کیس کی سماعت ہوئی جس میں ضلعی انتظامیہ نے پی ٹی آئی کی درخواست پر ہائیکورٹ کو آگاہ کیا۔
انتظامیہ نے بتایا کہ ڈپٹی کمشنر آفس نے پی ٹی آئی کو روات جی ٹی روڈ پر جلسے کی اجازت دے دی ہے، اس پر عدالت نے کہا کہ آپ چاہیں تو نئی درخوات دائر کرکے ضلعی انتظامیہ کے اقدام چیلنج کر سکتے ہیں۔
پی ٹی آئی کے وکیل شعیب شاہین نے کہا کہ روات میں جلسےکی اجازت کےاقدام کو چیلنج کریں گے، بعد ازاں عدالت نے پی ٹی آئی کی جلسےکی اجازت سے متعلق درخواست نمٹا دی۔
