15 جون ، 2024 
پاکستان
جسٹس شاہد بلال حسن کی سپریم کورٹ میں نامزدگی کے بعد لارجر بینچ تحلیل ہوگیا تھا— فوٹو:فائل
عمران کی توشہ خانہ کیس میں نااہلی کیخلاف اپیل پر لاہور ہائیکورٹ کا لارجر بینچ تشکیل
15 جون ، 2024
لاہور ہائیکورٹ نے پاکستان تحریک انصاف کے بانی عمران خان کی جانب سے بلے کا نشان واپس لینے اور توشہ خانہ نااہلی کے خلاف اپیل پر سماعت کیلئے نیا لارجر بینچ تشکیل دے دیا۔
چیف جسٹس لاہور ہائیکورٹ نے جسٹس شمس محمود مرزا کی سربراہی میں 5رکنی لارجر بینچ تشکیل دیا۔ لارجر بینچ میں جسٹس شاہد کریم، جسٹس شہرام سرور چوہدری, جسٹس جواد حسن اور جسٹس رسال حسین شامل ہیں۔
پانچ رکنی لارجر بینچ توشہ خانہ کیس میں بانی پی ٹی آئی کی نااہلی کی خلاف 20جون سے سماعت کرے گا.
جسٹس شاہد بلال حسن کی سپریم کورٹ میں نامزدگی کے بعد لارجر بینچ تحلیل ہوگیا تھا۔
