07 فروری ، 2013 
امریکا:شہریوں کوڈرون حملوں کی معلومات تک رسائی دینے کی ہدایت
07 فروری ، 2013
واشنگٹن…امریکی صدر بارک اوباما نے محکمہ انصاف کو ہدایت کی ہے کہ وہ کانگریس کی انٹیلی جنس کمیٹی کوامریکی شہریوں پرڈرون حملوں سے متعلق خفیہ معلومات تک رسائی فراہم کرے۔کچھ دن قبل امریکی محکمہ انصاف نے قانون سازوں کو ایک وائٹ پیپر ارسال کیا تھا جس کی رو سے القاعدہ کیساتھ بیرون ملک کام کرنیوالیامریکی شہریوں پرڈرون حملوں کو جائز اور قانونی قرار دیا گیا ہے۔ یہ وائٹ پیپر سامنے آنے کے بعد اوباما انتظامیہ کو شدید دباوٴ کا سامنا ہے اور ارکان کانگریس ان سے مطالبہ کررہے ہیں کہ امریکی شہریوں پر ڈرون حملوں کا قانونی جواز فراہم کرنے والی دستاویزات تک انھیں بھی رسائی دی جائے تاکہ وہ کوئی فیصلہ کرسکیں۔ صدر اوباما نے ان کا مطالبہ تسلیم کرتے ہوئے محکمہ انصاف کو ہدایت کردی ہے کہ انٹیلی جنس کمیٹی کو یہ ریکارڈ فراہم کردیا جائے۔
مزید خبریں :
