کوہلی کے بغیر بھارتی ٹیم کی تعریف کرنے پر سوشل میڈیا صارفین سنجے منجریکر پر برہم

سابق بھارتی کرکٹر سنجے منجریکر کو ویرات کوہلی کے بغیر ٹیم کے کھلاڑیوں کی تعریف کرنا مہنگا پڑگیا۔

سنجے منجریکر نے بھارت کے 17 سال بعد ٹی ٹوئنٹی ورلڈ چیمپئن بننے پر ایکس ٹیم کیلئے ایک تعریفی پوسٹ شیئر کی تھی۔

 ٹوئٹ میں سنجے منجریکر نے بھارتی کپتان روہت شرما، ہیڈ کوچ راہول ڈریوڈ اور چیف سلیکٹر اجیت اگرکر کی تعریف کرتے ہوئے انہیں ایماندار لکھا اور کہا تھا کہ یہ دیکھ کر خوشی ہوئی کہ آپ نے آخر تک ٹیم کیلئے محنت کی۔

ایک اور ٹوئٹ میں سنجے نے بھارتی بولرز ہاردک پانڈیا ، اکشر پٹیل اور جسپریت بمراہ کی تعریف کرتے ہوئے لکھا کہ یہ پہلی دفعہ نہیں ہے  کہ بھارتی بولرز نے جیت اپنے نام کی۔

سنجے منجریکر کی تعریفی پوسٹ میں ویرات کوہلی کو شامل نہ دیکھ کر بھارتی بھڑک اٹھے اور سابق بھارتی کرکٹر کو تنقید کا نشانہ بنایا۔

ایک صارف نے سنجے منجریکر پر تنقید کرتے ہوئے ان کی پوسٹ کو انتہائی برا رویہ قرار دیا اور لکھا کہ پہلے سنجے نے اپنے ٹی ٹوئنٹی ورلڈکپ کے اسکواڈ میں ویرات کوہلی کو شامل نہیں کیا اور اب کریڈٹس میں بھی ویرات کو شامل نہیں کیا، کیسا منافق ہے یہ شخص، ویرات کوہلی لیجنڈ تھے، ہیں اور لیجنڈ رہیں گے۔

ایک صارف نے سابق بھارتی بیٹر کی ٹوئٹ پر زور دیتے ہوئے لکھا کہ ایک ٹوئٹ میں کوہلی کو بھی  مینشن کردیں۔

ایک اور صارف نے لکھا کہ ویرات کوہلی کا آئی پی ایل کا کیرئیر سنجے کے پورے کیرئیر سے بھی بڑا ہے۔

انکت نامی صارف نے سنجے کی ٹوئٹ پر ردعمل دیتے ہوئےانہیں یاد دلایا ایک عرصے سے ٹیم کیلئے اپنی خدمات سرانجام دینے پر ویرات کوہلی کے شکر گزار ہیں۔

سمندری طوفان کی وارننگ، ٹی ٹوئنٹی ورلڈکپ کی فاتح بھارتی ٹیم بارباڈوس میں پھنس گئی

بارباڈوس میں کرفیو جیسی صورتحال ہے کسی کو باہر نکلنے کی اجازت نہیں، طوفان کے اگلے چند گھنٹوں میں ساحل سے ٹکرانے کی پیشگوئی کی گئی ہے

ویرات کوہلی نے ورلڈکپ میں جیت کی وجہ انوشکا شرما کو قرار دیدیا

ٹیم نے پہلی بار 2007 میں پاکستان کو فائنل میں شکست دے کر کامیابی حاصل کی تھی