فیصلہ ہوچکا تحریک انصاف چھوڑ کر جانے والوں کو واپس نہیں لیا جائے گا، حسن رؤف

اسلام آباد: تحریک انصاف کے سیکرٹری اطلاعات رؤف حسن نے کہا ہے کہ کور کمیٹی کے اجلاس میں یہ فیصلہ ہوچکا ہے کہ پارٹی چھوڑ کر جانے والوں کو واپس نہیں لیا جائیگا۔

جیو نیوز کے پروگرام کیپیٹل ٹاک میں گفتگو کرتے ہوئے رؤف حسن نے کہا کہ  فواد چوہدری کو پارٹی سے برطرفی کا خط جاری ہوچکا ہے، اخلاقی طور  پر اب فواد چوہدری تحریک انصاف پر تنقید نہیں کرسکتے۔

انہوں نے کہا کہ کور کمیٹی کے اجلاس میں یہ فیصلہ ہوچکا ہے کہ پارٹی چھوڑ کر جانے والوں کو واپس نہیں لیا جائے گا۔ 

یاد رہے کہ  دو روزقبل   تحریک انصاف کی کورکمیٹی نے اعلان کیا تھا کہ فواد چوہدری سمیت جوبھی پارٹی قیادت پرتنقید کرتا ہے اسے سخت جواب دیا جائے، مشکل وقت میں پارٹی چھوڑنے والوں کے پاس پارٹی معاملات پر تبصرے کا کوئی اخلاقی جواز  یا اختیار نہیں۔

پارٹی میں اختلافات پر بانی پی ٹی آئی پریشان، پارٹی کے دو گروپوں کو ملاقات کیلئے بلالیا

بانی پی ٹی آئی نے گروپوں سے متعلق سوال پر کہا کہ گروپوں سے بات کرنے کے بعد صورتِ حال سے آگاہ کریں گے: شبیر ڈار کی جیو نیوز کے پروگرام میں گفتگو

فواد سمیت جوبھی پارٹی قیادت پرتنقید کرتا ہے، سخت جواب دیا جائے: پی ٹی آئی کور کمیٹی

مشکل وقت میں پارٹی چھوڑنے والوں کے پاس پارٹی معاملات پر تبصرے کا کوئی اخلاقی جواز یا اختیار نہیں، ایسے تمام افراد سے کوئی سروکار نہیں ہے: کور کمیٹی قرارداد