17 جولائی ، 2024 
ٹورنٹو: چند گھنٹوں کی بارش سے شہر میں سیلابی صورتحال ، پروازیں معطل، بجلی کا نظام بھی متاثر
17 جولائی ، 2024
کینیڈا کے شہر ٹورنٹو میں ایک ماہ سے زیادہ کی بارش چند گھنٹوں میں برس گئی۔
غیر ملکی میڈیا کے مطابق ٹورنٹو شہر میں 100 ملی میٹر بارش سے سڑکیں تالاب بن گئیں، یونین ٹرین اسٹیشن میں بھی پانی بھر گیا اور شہر میں اس وقت سیلاب کی صورتحال ہے۔
میڈیا رپورٹس کے مطابق شدید بارشوں کے بعد متعدد پروازیں تاخیر کا شکار ہیں اور کچھ پروازیں معطل کردی گئی ہیں جب کہ ٹورنٹو شہر میں ایک لاکھ 60 ہزار سے زائد گھر بجلی کی سہولت سے بھی محروم ہوگئے ہیں۔
رپورٹ کے مطابق ٹورنٹو پیئرسن ائیرپورٹ کے علاقے میں 96 اور بلی بشپ ائیر پورٹ کے علاقے میں 82 ملی میٹر سے زائد بارش ریکارڈ کی گئی۔
میڈیا رپورٹس میں بتایا گیا ہےکہ ٹورنٹو میں آج تک ایک دن میں جو سب سے زیادہ بارش ریکارڈ کی گئی وہ سال 2013 میں پیئرسن ائیرپورٹ کے علاقے میں ہوئی تھی جو تقریباً 126 ملی میٹر تھی۔
مزید خبریں :
روس کا یوکرین پر اب تک کا سب سے بڑا ڈرون حملہ
4 گھنٹے پہلے
کینیڈا: زو کیپر کی غفلت سے 2 سالہ گوریلا ہلاک
8 گھنٹے پہلے
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
