30 جولائی ، 2024 
آوارہ کتوں سے پریشان ترک حکومت نے مسئلے کے حل کیلئے نیا قانون منظور کرلیا
30 جولائی ، 2024
انقرہ:ترکیے نے سڑکوں سے آوارہ کتے ہٹانےکے قانون کی منظوری دےدی۔
ترک صدر طیب اردوان نے قانون کی منظوری پر کہا کہ ملک میں آوارہ کتوں کے مسئلےسے نمٹنےکےلیے نیا قانون ضروری ہے۔
غیر ملکی میڈیا کے مطابق اس قانون کے تحت میونسپلٹی سڑکوں اور گلیوں سے آوارہ کتوں کو پکڑ کر شیلٹرز میں منتقل کرے گی، کوئی بھی آوارہ کتا جو کسی بیماری کا شکار ہوگا یا اس سے حملے کا خطرہ محسوس کیا جائیگا اسے پکڑ کر شیلٹر میں منتقل کیا جائیگا۔
ترک حکومت کے مطابق ترکیےکی گلیوں اور دیہی علاقوں میں 40 لاکھ آوارہ کتےہیں جب کہ ان کتوں نے کئی لوگوں پرحملے بھی کیے ہیں۔
خبر ایجنسی کی رپورٹ کے مطابق ترکیے میں 2022 سےاب تک آوارہ کتوں کےحملوں میں 44 بچوں سمیت75 افرادہلاک ہوچکےہیں۔
خبرایجنسی کا بتانا ہے کہ اپوزیشن نے قانون کی مخالفت کی اور قانون کے خلاف لڑنےکا اعلان کیا جب کہ استنبول کےسیشانے اسکوائر میں سیکڑوں افراد نے بل کی منظوری کے خلاف احتجاج کیا۔
مزید خبریں :
مکہ مکرمہ، طائف اور دیگر سعودی شہروں میں موسلا دھار بارش
25 نومبر ، 2024
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
