08 اگست ، 2024 
پیراگوئے کی تیراک کو ’نامناسب طرز عمل‘ پر اولمپک ولیج چھوڑنے کا کہہ دیا گیا
08 اگست ، 2024
پیراگوئے سے تعلق رکھنے والی نوجوان خاتون تیراک لوانا الونسو کو اولمپک ولیج چھوڑنے کا کہہ دیا گیا۔
غیرملکی میڈیا کے مطابق 20 سالہ سوئمر لوانا الونسو پیرس اولمپکس میں خواتین کے 100 میٹر بٹر فلائی ایونٹ کے سیمی فائنل کے لیے 0.24 سیکنڈز کے فرق سے کوالیفائی نہیں کرسکی تھیں۔
سیمی فائنل میں کوالیفائی نہ کرنے کے باعث لوانا نے تیراکی سے ریٹائرمنٹ کا بھی اعلان کردیا تھا۔
پیراگوئے اولمپک کمیٹی کی سربراہ نے اس حوالے سے جاری کیے گئے بیان میں کہا ہے کہ لوانا الونسو کی موجودگی پیراگوئے کی ٹیم کے اندر ایک ’نامناسب ماحول‘ پیدا کر رہی ہے۔
غیر ملکی میڈیا کے مطابق لوانا پر ’نامناسب طرز عمل‘ اختیار کرنے کا بھی الزام عائد کیا گیا ہے۔
لوانا پر اس حوالے سے بھی تنقید کی جارہی ہے کہ وہ اولمپک ولیج میں پراگوئے ٹیم کی جانب سے فراہم کیے گئے لباس کے بجائے مختصر اور چست لباس پہن کر اور دیگر ٹیموں سے ملاقاتیں کرکے اپنے دیگر مد مقابل کھلاڑیوں کی توجہ بھٹکانے کی وجہ بنیں۔
مزید خبریں :
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
