دریائے چناب میں پانی کی سطح میں مسلسل اضافہ، رہائشیوں کو فلڈ وارننگ جاری

ملتان کی حدود سے گزرنے والے دریائے چناب میں پانی کی سطح میں مسلسل اضافہ ریکارڈ کیا جارہا ہے۔

پانی کی سطح بلند ہونے سے دریائی علاقوں کے رہائشیوں کو فلڈ وارننگ جاری کردی گئی اور کئی ایکڑ پر کاشت کی گئی فصلیں پانی کی نذر ہوگئی ہیں۔

ادھر راجن پور میں برساتی ندی نالوں کے سیلابی ریلوں سے 53 دیہات متاثر  ہوئے جب کہ  جیکب آباد کے علاقے گڑھی خیرو میں بھی حالیہ طوفانی بارشوں سے بڑے پیمانے پر نقصانات سامنے آئے ہیں، ہزاروں ایکڑ پرکاشت چاول کی فصل خراب ہو گئی۔

اس کے علاوہ دادو کی گاج ندی میں سیلاب سے جوہی کے علاقے کاچھو کے  انفرااسٹرکچر کو نقصان پہنچا، نصیر آباد، صحبت پور اور جعفر آباد میں طوفانی بارشوں کے بعد ندی نالوں میں طغیانی سے پانی کا دباؤ بڑھ گیا جس سے مختلف کینالز میں شگاف پڑ گیا اور درجنوں دیہات زیرِ آب آگئے۔

بارشوں کے باعث سندھ کے اکثر علاقوں میں سیلابی صورتِ حال برقرار

سندھ میں اب تک محکمہ موسمیات کی پیش گوئی سے بہت زیادہ بارشیں ہو چکی ہیں: وزیراعلیٰ سندھ کی میڈیا سے گفتگو

بلوچستان میں آج بھی بارش کا امکان، بارشوں سے اب تک 19 افراد جاں بحق

شمال مشرقی بلوچستان میں دوسرا طاقتور مون سون سسٹم موجود ہے جس کی وجہ سے مزید بارشیں ہو سکتی ہیں: محکمہ موسمیات