07 ستمبر ، 2024 
غزہ جنگ بندی کی صورت میں سعودیہ نئے امریکی صدر کی آمد سے قبل اسرائیل کو تسلیم کرسکتا ہے: بلنکن
07 ستمبر ، 2024
امریکی وزیر خارجہ انٹونی بلنکن کا کہنا ہے غزہ جنگ بندی کے ساتھ، جنوری میں نئے امریکی صدر کے آنے سے پہلے سعودی عرب کے اسرائیل کو تسلیم کرنے کا امکان ہے۔
ہیٹی میں نیوز کانفرنس کرتے ہوئے انٹونی بلنکن کا کہنا تھا کہ جنوری سے قبل اگر غزہ میں جنگ بندی ہو جاتی ہے تو سعودی عرب کے اسرائیل کےساتھ تعلقات معمول پر آنے کا ایک موقع ابھی باقی ہے۔
ان کا کہنا تھا اگر غزہ جنگ بندی ہو جاتی ہے تو امکان ہے کہ جو بائیڈن کے عہدہ چھوڑنے سے پہلے سعودی عرب اسرائیل کو تسلیم کر لے۔
امریکی وزیر خارجہ کے تازہ ترین بیان پر سعودی عرب کی جانب کسی قسم کا ردعمل سامنے نہیں آیا ہے تاہم اس حوالے سے ماضی میں سعودی عرب کا مؤقف رہا ہے کہ فلسطین کا مسئلہ حل ہونے تک اسرائیل کو تسلیم نہیں کیا جا سکتا۔
دوسری جانب حماس کا اسرائیل کے ساتھ مذاکرات کے حوالے سے مؤقف ہے کہ مذکرات کے حوالے سے کوئی نئی تجویز قبول نہیں کی جائے گی، ثالثت کار اسرائیل پر امریکی صدر جو بائیڈن کی پیش کردہ تجاویز پر عمل درآمد کے لیےدباؤ ڈالیں۔
خیال رہے کہ گزشتہ برس اکتوبر سے جاری اسرائیلی حملوں میں اب تک 40 ہزار کے قریب فلسطینی شہید اور 90 ہزار سے زائد زخمی ہو چکے ہیں۔
مزید خبریں :
امریکا نے غلطی سے اپنا ہی طیارہ مار گرایا
2 گھنٹے پہلے
غزہ میں القسام بریگیڈز کے حملوں میں 5 اسرائیلی فوجی ہلاک ہوگئے
21 دسمبر ، 2024
سعودی عرب کی جرمنی میں ہجوم پر کار چڑھانے کے واقعے کی مذمت
21 دسمبر ، 2024
یمن سے حوثیوں کا تل ابیب پر میزائل حملہ، 16 افراد زخمی
21 دسمبر ، 2024
