13 ستمبر ، 2024 
پاکستان
کمیشن کے کسی رکن نے جسٹس منیب اختر کی تجویز سے اتفاق نہیں کیا جس پر وہ اجلاس چھوڑ کر چلے گئے: ذرائع۔ فوٹو فائل
اجلاس ملتوی کرنے کی تجویز نہ مانے جانے پرجسٹس منیب جوڈیشل کمیشن کا اجلاس چھوڑ کر چلے گئے
13 ستمبر ، 2024
جسٹس منیب اختر جوڈیشل کمیشن کے اجلاس میں اپنی تجویز سے اتفاق نہ کیے جانے پر اجلاس چھوڑ کر چلے گئے۔
ذرائع کے مطابق سپریم کورٹ کے جج جسٹس منیب اختر نے جوڈیشل کمیشن کا اجلاس مؤخر کرنے کی تجویز دی، تاہم کمیشن کے کسی رکن نے جسٹس منیب اختر کی تجویز سے اتفاق نہیں کیا۔
ذرائع کا بتانا ہے کہ اپنی تجویز سے اتفاق نہ کیے جانے پر جسٹس منیب اختر کمیشن کا اجلاس چھوڑ کر چلے گئے۔
چیف جسٹس پاکستان قاضی فائز عیسیٰ کی زیر صدارت ججز تعیناتی سے متعلق جوڈیشل کمیشن کے اجلاس میں مختصر وقفہ کر دیا گیا۔
جسٹس منصور علی شاہ نے اجلاس میں مجوزہ سفارشات کا مسودہ پڑھا، اجلاس میں اعلیٰ عدلیہ میں ججوں کی تقرری کے رولز کابھی جائزہ لیا جائے گا۔
