سپریم کورٹ خود کسی کو پارٹی کا سرٹیفکیٹ نہیں بانٹ سکتی، ہمار ے نمبر پورے ہیں: بیرسٹر عقیل

وفاقی حکومت کے ترجمان برائے قانونی معاملات بیرسٹر عقیل ملک کا کہنا تھاتھاکہ سپریم کورٹ کی وضاحت نے مزید ابہام پیدا کردیا ہے، سپریم کورٹ خود کسی کو پارٹی کا سرٹیفکیٹ نہیں بانٹ سکتی۔

نجی ٹی وی سے گفتگو میں بیرسٹر عقیل ملک کا کہنا تھاکہ اب بھی اس بات پر قائم ہوں 41 ممبر آزاد ارکان ہیں، کوئی ادارہ دوسرے ادارے کا کام نہیں کرسکتا، انتخابات سے متعلق تمام معاملات الیکشن کمیشن کا کام ہے۔

انہوں نے کہا کہ  سپریم کورٹ کی وضاحت نے مزید ابہام پیداکردیاہے، سپریم کورٹ خود کسی کو پارٹی کا سرٹیفکیٹ نہیں بانٹ سکتی۔

مخصوص نشستوں کے فیصلے پر عملدرآمد نہ کرنے کے سنگین نتائج ہوں گے: سپریم کورٹ اکثریتی بینچ کی وضاحت

سپریم کورٹ کا 12 جولائی کا شارٹ آرڈر بہت واضح ہے اور الیکشن کمیشن نے اس حکم کو غیر ضروری طور پر پیچیدہ بنایا ہے: 8 رکنی اکثریتی بینج کی وضاحت

ان کا کہنا تھاکہ کل کابینہ اجلاس میں آئینی ترمیم کا بل پیش کریں گے، آئینی ترمیم کیلئے دوتہائی اکثریت ہے، اعتماد سے کہتا ہوں آئینی ترمیم سے متعلق ہمار ے نمبر پورے ہیں اور سپریم کورٹ کے فیصلے کے بعد بھی حکومتی نمبرپورے ہیں۔

بیرسٹر عقیل ملک کا کہنا تھاکہ مولانا فضل الرحمان ہمارے ساتھ ہیں تصدیق یا تردید نہیں کرسکتا۔

انہوں نے کہا کہ ججز کی تعیناتی میں پارلیمانی کمیٹی کا بامقصدکردار  ہونا چاہیے۔