پاکستان میں منکی پاکس کا 7 واں کیس رپورٹ

پاکستان میں منکی پاکس کا 7 واں کیس سامنے آگیا۔

ذرائع کے مطابق سعودی عرب سے اسلام آباد پہنچے والے شخص میں منکی پاکس کی تصدیق ہوئی ہے۔

ذرائع کا بتانا ہے کہ متاثرہ مریض کا تعلق پنجاب کے شہر گجرات سے ہے جس کی عمر 44 سال ہے جب کہ متاثرہ مریض پمز اسپتال اسلام آباد میں ہے جہاں اس کی حالت بہتر ہے۔

کراچی ائیرپورٹ آنیوالے 3 مسافروں میں منکی پاکس کی تصدیق نہ ہو سکی، گھر روانہ

ہفتے کے روز کراچی ائیرپورٹ پر ایک دن میں منکی پاکس کے 3مشتبہ کیسز رپورٹ ہوئے تھے

واضح رہےکہ گزشتہ ماہ عالمی ادارہ برائے صحت  نے منکی پاکس کو پبلک ہیلتھ ایمرجنسی قرار دیا تھا۔

ڈبلیو ایچ او کے مطابق منکی پاکس 121 ممالک میں پھیل چکا ہے، رواں سال 500 افراد اس سے ہلاک ہوچکے ہیں، ہائی رسک گروپس اور کمزور قوتِ مدافعت والے افراد میں منکی پاکس کی شرحِ اموات 10فیصد تک ہوسکتی ہے۔