وزیراعظم امریکا روانگی سے قبل مختصر دورہ پر لندن پہنچ گئے

وزیراعظم شہباز شریف  امریکا روانگی سے قبل مختصر دورہ  پر لندن پہنچ گئے۔

وزیر اعظم شہباز شریف کو لوٹن ائیر پورٹ سے پولیس کے پروٹوکول کے ساتھ لایا گیا۔

وزیراعظم شہباز شریف لندن میں دو روز قیام کے بعد امریکا روانہ ہوں گے۔ وزیراعظم شہباز شریف امریکا میں اقوام متحدہ کی جنرل اسمبلی سے خطاب کریں گے۔

اقوام متحدہ میں پاکستان کےمستقبل مندوب منیر اکرم نے امریکی میڈیا کو انٹرویو میں کہا کہ  یو این اجلاس کے سائیڈ لائن  پر شہباز شریف کی بائیڈن کے ساتھ باقاعدہ ملاقات طے نہیں، وزیراعظم شہباز شریف جنرل اسمبلی  اور  سلامتی کونسل میں خطاب کریں گے۔

منیر اکرم کا کہنا تھا کہ افغان طالبان کی بہت سی پالیسیوں سے اختلاف کے باوجود رابطے ضروری  ہیں، افغانستان کے ساتھ کئی مسائل ہیں لیکن ہمارا  تعلق افغان عوام سے ہے، جغرافیہ نہیں بدل سکتا، ہمسایہ ممالک کے ساتھ ہمیں تعلق رکھنا ہی ہے، افغان حکومت کے ساتھ   اختلافات کے حل کے لیے کام کریں گے۔