مکمل فری ہینڈ کے باوجود پی ٹی آئی ملک بھر سے صرف چند لوگ جمع کرسکی: وزیراطلاعات

وفاقی وزیراطلاعات عطا تارڑ نے پاکستان تحریک انصاف (پی ٹی آئی) کے لاہورجلسے کو ناکام قرار دے دیا۔

ایک بیان میں کہا،، مکمل فِری ہینڈ کے باوجود پی ٹی آئی پاکستان بھر سے صرف چند لوگ جمع کرسکی ،، بولے،، ملک میں مہنگائی کم ہوئی ہے ،، جس کا اعتراف خود پی ٹی آئی کے کارکن کررہے ہیں ،، لیکن ان کی قیادت پاکستان کی ترقی سے خوف زدہ ہے،،تحریک انصاف کے تمام جلسوں کا مقصد اپنے لیڈر کو رہا کرانا ہے،، لیکن این آر او نہیں ملے گا ۔۔

اسلام آباد میں پریس کانفرنس کرتے ہوئے عطا تارڑ کا کہنا تھاکہ علی امین گنڈا پور صرف دس بارہ گاڑیوں میں آئے، ان کا جلسہ ناکام ہوگیا ہے، ہم نے ان کو مکمل طور پر فری ہینڈ دیا، انہوں نے ملک بھر میں اپنے لوگوں کو متحرک کرنے کی کوشش کی لیکن اس کے باوجود لوگ ان کے جلسے میں اکھٹے نہیں ہوئے۔

انہوں نے کہا کہ مہنگائی کم ہوئی ہے، پی ٹی آئی کے دور میں مہنگائی ڈبل ڈیجیٹ میں گئی، تحریک انصاف کے دور میں معیشت تنزلی کی طرف گئی، تحریک انصاف ملک میں انتشار پیدا کرنی چاہتی ہے، یہ چاہتے ہیں ان کا لیڈر جیل سے باہر آئے، یہ این آر او لینے کی کوشش ہے۔

وقت ختم ہوتے ہی لاہور پولیس نے پی ٹی آئی کا جلسہ رکوادیا، کنٹینر پر چڑھ کر رہنماؤں کو اتارا

جلسے کا وقت ختم ہونے پر ڈی جے نے ساؤنڈ سسٹم بند کیا، پولیس نے لائٹس بند کرائیں جس سے جلسہ گاہ میں اندھیرا چھا گیا، علی امین جلسہ ختم ہونے کے بعد پہنچے

ان کا کہنا تھاکہ جتنے ان لوگوں نے بلند و بانگ دعوے کیے تھے وہ دھرے کے دھرے رہ گئے، علی امین گنڈا پور نے کہا پنجاب جارہے ہیں، پنجاب مہمان نواز ہیں، لطیف کھوسہ نے چیف جسٹس بارے میں غلط زبان استعمال کی۔

عطا تارڑ کا کہنا تھاکہ لاہور کے تمام راستے آج دن بھر کھلے رہے، پی ٹی آئی کے قافلوں کیلئے کسی مقام پر رکاوٹ کھڑی نہیں کی گئی، جلسے کے مناظر سے پتا چلتا ہے کہ اسلام آباد کی طرح لاہور کا جلسہ بھی ناکام رہا، ہم نے جلسے کیلئے جگہ اور سکیورٹی فراہم کی لیکن یہ لوگ جمع کرنے میں ناکام رہے، اسلام آباد جلسے میں بڑی بڑھکیں ماری تھی اور نتیجہ کھودا پہاڑ نکلا چوہا وہ بھی مرا ہوا۔