27 ستمبر ، 2024 
بیرون ملک جانیوالی پرواز میں فنی خرابی، لاہور ائیرپورٹ پر ہنگامی لینڈنگ
27 ستمبر ، 2024
لاہور سے ابوظہبی کے لیے روانہ ہونے والی پرواز نے فنی خرابی کی بنا پر روانگی کے ایک گھنٹے بعد علامہ اقبال انٹرنیشنل ائیرپورٹ پر واپس ٹیکنیکل لینڈنگ کی۔
ایوی ایشن ذرائع کے مطابق غیر ملکی ائیر لائن کی پرواز ای وائی 242 نے لاہور سے ابوظہبی کے لیے صبح 4 بج کر 48 منٹ پر ٹیک آف کیا، روانگی کے فوری بعد پائلٹ نے اے ٹی سی لاہور سے رابطہ کر کے طیارے میں فنی خرابی کی نشاندہی کی۔
ذرائع کے مطابق اے ٹی سی نے طیارے کو فوری واپس لینڈنگ کی اجازت دی جس کے ایک گھنٹہ 5 منٹ بعد پرواز ای وائی 242 نے باحفاظت علامہ اقبال ائیرپورٹ پر لینڈ کیا۔
ایوی ایشن ذرائع کے مطابق مسافروں کو طیارے سے آف لوڈ کر کے لاؤنج منتقل کر دیا گیا ہے اور طیارے کا معائنہ جاری ہے جبکہ مسافروں کی منزل پر روانگی کے لیے انتظامات کیے جا رہے ہیں۔
ترجمان سول ایوی ایشن اتھارٹی کے مطابق ائیر بس اے 321 (پرواز ای وائی 242) طیارے میں فنی خرابی پیدا ہوگئی تھی۔
مزید خبریں :
عمران خان نے بیرسٹر سیف کو اہم ٹاسک سونپ دیا
3 گھنٹے پہلے
کراچی میں کڑاکے کی سردی، شہری ٹھٹھر گئے
6 گھنٹے پہلے
