رضوان یا فخر زمان میں سے کسی ایک کو وائٹ بال ٹیم کا کپتان ہونا چاہیے: یونس خان

پاکستان کرکٹ ٹیم کے سابق کپتان یونس خان نے بابر اعظم کے مستعفی ہونے کے بعد قومی وائٹ بال ٹیم کے کپتان کے لیے محمد رضوان کے ساتھ فخر زمان کو  مضبوط امیدوار قرار دے دیا۔

یونس خان ان دنوں میلبرن میں کرکٹ آسٹریلیا کے سمر کرکٹ فیسٹیول میں بھی شرکت کے لیے آسٹریلیا میں ہیں۔

آسٹریلیا میں میڈیا سے گفتگو میں یونس خان نے کہا کہ پاکستان میں ہمیشہ بڑے ناموں کو ہی کپتان بنایا جاتا ہے، ان کی نظر میں محمد رضوان اور فخر زمان وائٹ بال ٹیم کی کپتانی کے لیے موضوع ہیں۔

پی سی بی کی جانب سے رضوان سے تاحال کپتانی کی کوئی بات نہیں کی گئی: قریبی ذرائع

کپتانی کی آفر ہوئی بھی تو محمدرضوان جلدبازی میں فیصلہ نہیں کریں گے: قریبی ذرائع

ان کا کہنا تھا کہ محمد رضوان یا فخرز مان میں کسی ایک کو وائٹ بال ٹیم کا کپتان ہونا چاہیے۔

 یونس خان نے کہا کہ انہیں امید ہے کہ اگلے ماہ آسٹریلیا میں ہونے والی ون ڈے سیریز میں پاکستان کرکٹ ٹیم اچھا پرفارم کرے گی۔

یاد رہے کہ پاکستان وائٹ بال کرکٹ ٹیم کے کپتان بابر اعظم کا قیادت سے دستبردار ہونےکے بعد محمد رضوان کو ٹیم کا اگلا کپتان بنائے جانے کے امکان کی خبریں گردش کر رہی ہیں۔