02 اکتوبر ، 2024 
پی سی بی کی جانب سے رضوان سے تاحال کپتانی کی کوئی بات نہیں کی گئی: قریبی ذرائع
02 اکتوبر ، 2024
پاکستان وائٹ بال کرکٹ ٹیم کے کپتان بابر اعظم کا قیادت سے دستبردار ہونےکے بعد محمد رضوان کو ٹیم کا اگلا کپتان بنائے جانے کے امکان کی خبریں گردش کر رہی تھیں۔
تاہم رضوان کے قریبی ذرائع کا کہنا ہے کہ رضوان سے پی سی بی کی جانب سے تاحال کوئی کپتانی کی بات نہیں کی گئی۔
قریبی ذرائع کے مطابق محمدرضوان سے سلیکشن کے حوالے سے بھی کوئی مشاورت نہیں کی گئی، ٹی ٹونٹی ورلڈکپ، بنگلادیش ٹیسٹ سیریز میں رضوان کو کسی ٹیم منیجمنٹ کی میٹنگ میں مدعو نہیں کیا گیا۔
قریبی ذرائع کا کہنا ہے کہ کپتانی کی آفر ہوئی بھی تو محمدرضوان جلدبازی میں فیصلہ نہیں کریں گے، کپتانوں کے ساتھ ماضی میں ہوئے سلوک کے حوالے سے تحفظات رضوان پہلے پی سی بی کے سامنے رکھیں گے۔
رضوان کے قریبی ذرائع کے مطابق قومی کرکٹ ٹیم کے سینیئر کھلاڑیوں میں پی سی بی کی پالیسیوں پر شدید تحفظات ہیں۔
یاد رہے کہ بابراعظم نے منگل کی شب پاکستان مینز وائٹ بال کی کپتانی سے استعفیٰ دیا تھا جسے منظور کر لیا گیا ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
