گنڈا پور اپنی نوکری پکی کرنے کیلئے ڈبل گیم کھیل کر عمران کو پھنسا رہے ہیں: طلال چوہدری

اسلام آباد: مسلم لیگ (ن) کے رہنما سینیٹر طلال چوہدری نے کہا ہےکہ سینے پر گولی کھانے کا دعویٰ کرنے والے پیٹھ دکھا کر بھاگتے نظر آئے ۔ 

جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے طلال چوہدری نے کہا کہ یہ تاثر دے رہے تھے کہ بانی پی ٹی آئی کو رہا کراکر لے کر جائیں گے لیکن ریاست نے ان کی کوشش ناکام بنا دی۔

انہوں نے کہا کہ وزیراعلیٰ خیبر پختونخوا علی امین گنڈاپوریہ تاثر دینےکی کوشش کررہے ہیں کہ انہیں کوئی خاص طاقتیں کہیں لے جاتی ہیں اور وہاں بانی پی ٹی آئی کی رہائی اورپی ٹی آئی کے معاملات سیٹل کرنے کے لیے بات چیت ہوتی ہے  لیکن ایسی کوئی بات نہیں ہے بلکہ وہ اس طرح سے بانی پی ٹی آئی کو مزید مشکلات میں پھنسا رہے ہیں۔

آئی جی اسلام آباد کو نہ ہٹایا تو اسلام آباد پر دھاوا بولیں گے: علی امین کی وفاق کو دھمکی

اسمبلی کے فلور سے یہ پیغام دے رہا ہوں کہ تیار ہوجاؤ ہم پھر اسلام آباد آرہے ہیں، وزیراعلیٰ کا خطاب

طلال چوہدری کا کہنا تھا کہ علی امین اپنی نوکری پکی کرنے کے لیے ڈبل گیم کھیل رہے ہیں، پی ٹی آئی کی سیاسی بلیک میلنگ پر آخری ضرب آئینی ترامیم کرکے لگائیں گے۔

دوسری جانب پی ٹی آئی رہنما شعیب شاہین نے کہاکہ علی امین نے اسلام آباد آنے کا مقصد پورا کیا، اُن کی وضاحت پر کچھ دوستوں نے اعتراض کیے مگریہ کوئی بڑا ایشو نہیں۔

شعیب شاہین کا کہنا تھا کہ ہمارا سادہ سا پلان تھا،علی امین ڈی چوک آئیں گے اور خطاب کریں گے، سب چلےجائیں گے، انہوں نے ہمارے سادہ پلان کو خود خراب کیا۔