09 اکتوبر ، 2024 
پاکستان
'میری شادی میری مرضی'، شادی کے سوال پر بلاول کا دلچسپ جواب
09 اکتوبر ، 2024
چیئرمین پیپلز پارٹی بلاول بھٹو زرداری نے اپنی شادی کے حوالے سے دلچسپ تبصرہ کردیا۔
زرداری ہاؤس اسلام آباد میں سینئر صحافیوں سے گفتگو کرتے ہوئے اس وقت دلچسپ صورت حال پیدا ہوگئی جب ایک صحافی نے بلاول بھٹو زرداری سے سوال کیا کہ آپ شادی کب کررہے ہیں؟
صحافی کے سوال کا جواب دیتے ہوئے بلاول بھٹو زرداری نے قہقہہ لگایا اور کہا کہ میری شادی میری مرضی۔
بلاول بھٹو زرداری کے اس جواب پر وہاں موجود تمام صحافیوں کے بھی قہقہے بلند ہوگئے اور محفل کشت زعفران بن گئی۔
