جبالیہ میں حماس نے اسرائیلی قافلے پر حملے کی ویڈیو جاری کردی، کئی اسرائیلی فوجی ہلاک

جبالیہ میں حماس نے اسرائیلی قافلے پر حملے کی ویڈیو جاری کردی۔ 

میڈیا رپورٹس کے مطابق 12 گاڑیوں کو بارودی سرنگوں سے نشانہ بنانے کے بعد فائرنگ اور راکٹوں سے حملہ کیا گیا جس میں کئی اسرائیلی فوجی مارے گئے جب کہ  مقبوضہ مغربی کنارے میں اسرائیلی فوج کی فائرنگ سے 2 فلسطینی شہید ہوگئے۔

ادھر جبالیہ کیمپ کا محاصرہ 11 ویں روز میں داخل ہوگیا جب کہ امداد پر مکمل بندش کے باعث بھوک کا غلبہ ہے۔

اسرائیلی فوج حزب اللہ کا ڈرون کیوں نہ گرا سکی؟ حیران کن انکشاف سامنے آگیا

حزب اللہ کی جانب سے بھیجے گئے دو ڈرونز ممکنہ طور پر صیاد 107 ماڈل کے تھے جو سمندر کی طرف سے اسرائیل میں داخل ہوئے

گزشتہ روز امداد کے لیے جمع لوگوں پر بمباری کرکے 10 فلسطینیوں کو شہید کیا گیا تھا۔  

اس کے علاوہ غزہ میں پولیو ویکسی نیشن مہم کا دوسرا مرحلہ شروع ہوگیا، غزہ میں صبح سویرے اسرائیل کے وحشیانہ حملوں میں 29 فلسطینی شہید ہوگئے۔

غیر ملکی خبر ایجنسی کے مطابق نصیرت اور خان یونس سمیت مختلف علاقوں میں گھروں پر بم برسائے گئے۔