اگلا چیف جسٹس ٹاپ تھری ہو گا یا ٹاپ فائیو ابھی اس کا فیصلہ نہیں ہوا: عرفان صدیقی

اسلام آباد: مسلم لیگ (ن) کے سینیٹر عرفان صدیقی نے کہا ہےکہ اگلا چیف جسٹس ٹاپ تھری ہو گا یا ٹاپ فائیو ابھی اس کا فیصلہ نہیں ہوا۔

جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے عرفان صدیقی نے کہا کہ ایسے عدالتی میکینزم کا تصور سامنے آ رہا ہے جو آئینی عدالت سے کچھ کم اور آئینی بینچ سے اوپر کا درجہ رکھتا ہو، جو جج سپریم کورٹ میں باقی رہ جائیں گے وہ تاخیر کے شکار مقدمات دیکھ سکیں گے۔

انہوں نے کہا کہ اگلا چیف جسٹس ٹاپ تھری ہو گا یا ٹاپ فائیو ابھی اس کا فیصلہ نہیں ہوا،  آئینی بینچ میں اور اس کے اپیلٹ بینچ میں چاروں صوبوں کی نمائندگی ہونی چاہیے۔

پروگرام میں شریک بلاول بھٹو کے ترجمان میئر کراچی مرتضیٰ وہاب نے کہا کہ سپریم کورٹ کے 5 سینئر ججوں کو آئینی بینچ میں بھیج دیا تو دیگر مقدمات دیکھنے کے جج کم پڑجائیں گے جو پہلے ہی کم پڑ رہے ہیں۔

 اگلے چیف جسٹس منصور علی شاہ ہوں گے یا نہیں؟مرتضیٰ وہاب نے واضح جواب دینے سے انکار کردیا۔

حکمران اپنے اقتدار کو مضبوط کرنے کیلئے آئینی ترامیم کر رہے ہیں: شاہد خاقان

ملک پر اشرافیہ کا غلبہ ہے، جن میں مفادات کی جنگ لگی ہوئی ہے: شاہد خاقان، موجودہ مہنگائی کی وجہ حکومتی وزرا کی کم عقلی اور نااہلی ہے: مفتاح اسماعیل

پی ٹی آئی آئینی کمیٹی بے بس، گوہر اور عمر ایوب کے پاس کوئی مینڈیٹ نہیں: خورشید شاہ

آئینی ترمیم کا مسودہ دو دن تک مکمل ہو جائے گا، ہم نے بار بار پی ٹی آئی سے ان کا مجوزہ ڈرافٹ مانگا لیکن انہوں نے ابھی تک ترامیم نہیں دیں، خورشید شاہ کی گفتگو