حکومت پاکستان کا سردیوں کی آمد پر غزہ کیلئے امداد بھجوانے کا فیصلہ

اسلام آباد: حکومت نے سردیوں کی آمد پر غزہ کے لیے امداد بھجوانے کا فیصلہ کیا ہے۔

وزیراعطم شہباز شریف کی زیر صدارت غزہ کی صورتحال پر اجلاس ہوا جس میں این ڈی ایم اے کی جانب سے بریفنگ دی گئی۔

اجلاس میں فیصلہ کیا گیا کہ وفاقی حکومت سردیوں کی آمد پر غزہ کے لیے امداد بھجوائے گی اور  غزہ میں فوری طور پر 600 ٹن امداد بھجوانے کا فیصلہ کیا گیا ہے جس میں کمبل رضائیاں، ادویات اور گرم ملبوسات شامل ہوں گی۔

غزہ کے لیے بھجوائے جانے والے امدادی سامان میں 12 ہزار سے زائد کمبل بھی شامل ہوں گے۔

وزیراعظم نے این ڈی ایم اے کو بہترین چیزیں بھجوانے کی ہدایت کرتے ہوئے کہا کہ ہم فلسطین کے معصوم لوگوں کے ساتھ ہیں، عالمی برادری غزہ کے غریب عوام کی امداد کرے جب کہ عالمی برادری جنگ بندی میں کردار ادا کرے۔

اسرائیل نے یحییٰ سنوار کی شہادت سے قبل آخری لمحات کی ویڈیو جاری کردی

آئی ڈی ایف کی جاری کردہ ویڈیو میں دیکھا جا سکتا ہے کہ ایک شخص تباہ حال عمارت میں زخمی حالت میں صوفے پر بیٹھا ہے

صیہونی بمباری میں شہید غزہ کے لوگوں کی لاشیں کتے کھا رہے ہیں، سربراہ ایمرجنسی سروسز کا انکشاف

شمالی غزہ کے جبالیا کیمپ میں اسرائیلی بمباری کے باعث ہر طرف لاشیں گلیوں میں پڑی ہیں، سڑکیں تباہ ہیں اور خواتین اور بچے بدترین بھوک و افلاس کا شکار ہیں: فارس افانہ