01 نومبر ، 2024 
پاکستان
فوٹو: فائل
دکی کوئلہ کان میں پھنسے دو کان کن جاں بحق، ایک کو ریسکیو کرلیا گیا
01 نومبر ، 2024
دکی میں مقامی کوئلہ کان میں پھنسے ہوئے تین کان کنوں میں سے دو جاں بحق ہوگئے جبکہ ایک کو ریسکیو کر لیا گیا۔
مائنز ذرائع کے مطابق دمڑکول مائنز میں 1400 فٹ اندر زہریلی گیس بھر جانے سے تین کان پھنس گئے تھے، جس کے بعد پھنسے ہوئے کان کنوں کو نکالنے کیلئے ریسکیو آپریشن شروع کیا گیا۔
ذرائع کے مطابق آپریشن کے دوران پھنسے ہوئے دو کان کنوں کی لاشیں نکال لی گئیں ہیں اور ایک کان کن کو پہلے ہی ریسکیو کر لیا گیا تھا۔
کان کنوں کی لاشیں ضروری کارروائی کے بعد ان کے آبائی علاقے افغانستان روانہ کی جائیں گی۔
