02 نومبر ، 2024 
اینٹی کرپشن نے پی ٹی آئی ایم این اے عاطف خان کو طلبی کا ایک اور نوٹس بھیج دیا
02 نومبر ، 2024
محکمہ اینٹی کرپشن خیبر پختونخوا ( کے پی) نے سابق صوبائی وزیر اور پاکستان تحریک انصاف (پی ٹی آئی) کے ایم این اے عاطف خان کو طلبی کا ایک اور نوٹس بھیج دیا۔
محکمہ اینٹی کرپشن خیبرپختونخوا نے سابق صوبائی وزیر اور پی ٹی آئی رہنما عاطف خان کو 31 اکتوبر کو جاری نوٹس میں ترمیم کرتے ہوئے مردان کی نجی ہاؤسنگ سوسائٹی کی ملکیت ، غیر قانونی قبضے اور حکومتی پابندی کے باوجود زرعی اراضی بطور رہائشی زمین استعمال ہونے پر وضاحت مانگ لی۔
عاطف خان نے جیو نیوز سے گفتگو میں کہا کہ میرے خلاف ایک اور کیس درج ہو گیا، سب کو پتا ہے کہ یہ کون کروا رہا ہے۔
گزشتہ روز سامنے آئے نوٹس میں محکمہ اینٹی کرپشن نے مالم جبہ میں مبینہ کرپشن اور بدعنوانی کے الزام کا عاطف خان سے سوال کیا تھا۔
