06 نومبر ، 2024 
کراچی میں دندناتے ڈاکوؤں نے ڈکیتی کے دوران ایک اور شہری کی جان لے لی
06 نومبر ، 2024
کراچی میں دندناتے ڈاکوؤں نے ڈکیتی کے دوران ایک اور شہری کی جان لے لی۔
واقعہ ڈیفنس فیز فائیو توحید کمرشل ایریا میں پیش آیا جہاں 48 سال کا محمد سعید نجی بینک سے پانچ لاکھ روپے لے کر نکلا اور راستے میں پان کی دکان پر رُکا۔
اسی دوران موٹر سائیکل پر سوار دو مسلح ڈاکو آئے جو ممکنہ طور پر رقم کی موجودگی سے متعلق آگاہ تھے سعید چونکہ پیشے سے سکیورٹی گارڈ اور مسلح بھی تھا، اس لیے ہتھیار ڈالنے کے بجائے ڈاکوؤں سے گتھم گتھا ہوگیا۔
شدید مزاحمت کا سامنا ہوتے ہی ڈاکوؤں نے فائرنگ کردی جس سے سعید موقع پر جاں بحق ہوگیا۔
پولیس کا بتانا ہے کہ مقتول نے رقم موٹر سائیکل کے کور میں چھپا رکھی تھی اس لیے ڈاکوؤں کے ہاتھ نہ لگ سکی۔ کراچی میں اس سال جنوری سے اب تک ڈکیتی مزاحمت پر 105 افراد قتل ہوچکے ہیں۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
