14 نومبر ، 2024 
کھیل
پی سی بی نے کچھ کھلاڑیوں کو بگ بیش، گلوبل سپر لیگ اور آئی ایل ٹی ٹی ٹوئنٹی کے اجازت نامے بھی جاری کیے ہیں۔ فوٹو فائل
پی سی بی نے ٹی 10 لیگ کیلئے کن کھلاڑیوں کو این او سی جاری کیے ہیں؟
14 نومبر ، 2024
لاہور: پاکستان کرکٹ بورڈ (پی سی بی) نے ٹی 10 لیگ کیلئے 8 کھلاڑیوں کو اجازت نامے جاری کر دیے۔
پی سی بی کی جانب سے جن کھلاڑیوں کو این او سی جاری کیے گئے ہیں ان میں عماد وسیم، محمد عامر اور عثمان طارق شامل ہیں۔
اس کے علاوہ سلمان ارشاد، افتخار احمد اور آصف علی کو بھی این او سی جاری کیا گیا ہے۔
کرکٹ بورڈ نے حسان خان کو گلوبل سپر لیگ، آئی ایل ٹی ٹوئنٹی اور بگ بیش لیگ کے لیے این او سی جاری کیا ہے جبکہ اسامہ میر کو بھی بگ بیش کے لیے این او سی جاری کیا گیا ہے۔
