15 نومبر ، 2024 
دنیا
فوٹو: فائل
نامور برطانوی اخبار کا سوشل میڈیا سائٹ ایکس پر ادارتی مواد پوسٹ نہ کرنےکا اعلان
15 نومبر ، 2024
برطانیہ کے نامور اخبار دی گارجیئن نے اعلان کیا ہے کہ وہ اب سے سوشل میڈیا ویب سائٹ ایکس پر اپنا ادارتی مواد پوسٹ نہیں کرے گا۔
اخبار کے مطابق لائیو نیوز رپورٹنگ کی نوعیت ایسی ہے کہ گارجیئن بھی وقتاً فوقتاً ایکس کے کانٹینٹ لنکس اپنے صفحات میں پوسٹ کرتا رہے گا۔
دی گارجیئن کا کہنا ہے کہ ایکس (ٹوئٹر) پر پوسٹ کرنے کے منفی اثرات اُس کے فوائد سے زیادہ ہو گئے ہیں، صحافت کے فروغ کیلئے ہمارے وسائل دوسری جگہوں پر بہتر استعمال ہو سکتے ہیں۔
دی گارجین کے مطابق امریکی صدارتی مہم نے ہمارے خدشات درست ثابت کر دیے کہ ایکس (ٹوئٹر) ایک آلودہ میڈیا پلیٹ فارم بن گیا ہے اور ایکس کے مالک ایلون مسک نے اس پلیٹ فارم کو اپنے سیاسی مقاصد کیلئے استعمال کیا۔
