18 نومبر ، 2024 
بیروت: اسرائیلی حملے میں حزب اللہ کے ترجمان شہید
18 نومبر ، 2024
لبنان کے دارالحکومت بیروت میں اسرائیلی حملے کے نتیجے میں حزب اللہ کے ترجمان شہید ہوگئے۔
غیر ملکی میڈیا کے مطابق اسرائیلی فوج نے اتوار کے روز بیروت کے ایک رہائشی علاقے پر فضائی حملے کیے جس کے نتیجے میں حزب اللہ کے ترجمان محمد عفیف شہید ہوگئے۔
اسرائیلی حملے میں شہید ہونے والے حزب اللہ کے ترجمان محمد عفیف حزب اللہ کے سابق سربراہ حسن نصراللہ کے بھی مشیر رہ چکے تھے جب کہ وہ 2014 سے حزب اللہ کے ترجمان کے طور پر فرائض انجام دے رہے تھے۔
رپورٹس کے مطابق اسرائیلی حملے کے وقت محمد عفیف حزب اللہ کی حمایت یافتہ جماعت باتھ پارٹی کے ہیڈ کوارٹر میں موجود تھے۔
رپورٹس کے مطابق اسرائیل کی جانب سے حملے سے قبل کسی بھی قسم کی وارننگ جاری نہیں کی گئی تھی۔
لبنان کی وزارت صحت کا بتانا ہےکہ اسرائیلی فضائیہ نے راس البنا کے علاقے میں فضائی حملہ کیا جس میں مجموعی طور پر 4 افراد شہید ہوئے۔
اسرائیلی فضائیہ کا کہنا ہےکہ اس نے انٹیلی بیس اطلاعات پر اس علاقے میں کارروائی کی جس کے نتیجے میں حزب اللہ کے ترجمان کو مارا گیا۔
مزید خبریں :
شمالی غزہ میں اسرائیلی فوج کےکیپٹن سمیت 2 اہلکار ہلاک
17 نومبر ، 2024
جاپان کے علاقے کوشیما میں 6.2 شدت کا زلزلہ
17 نومبر ، 2024
