18 نومبر ، 2024 
پاکستان
حسن ابدال میں بابا گرو نانک کے 555 ویں جنم دن کی 3 روزہ تقریبات اختتام پذیر
18 نومبر ، 2024
گوردوارہ پنجہ صاحب حسن ابدال میں بابا گرو نانک کے 555 ویں جنم دن کی 3 روزہ تقریبات اختتام پذیر ہوگئیں۔
بابا گرو نانک کے جنم دن کی تین روزہ تقریبات میں ہزاروں ملکی اور غیر ملکی سکھ یاتریوں نے شرکت کی ۔
بابا گرو نانک کے جنم دن کی تقریبات کے موقع پر اٹک انتظامیہ نے سکھ یاتریوں کے لیے لنگر، طبی سہولیات اور سیکیورٹ کے بہترین انتظامات کیے ۔
سکھ یاتریوں نے حکومت پاکستان کی جانب سے کیے گئے انتظامات پر اطمینان کا اظہار کیا اور اپنی مذہبی رسومات میں پاکستان کی تعمیر و ترقی کے لیے خصوصی دعائیں کیں۔
سکھ یاتری اب مذہبی رسومات کی ادائیگی کے لیے کرتار پور میں مختلف گوردواروں کا دورہ بھی کریں گے۔
