04 دسمبر ، 2024 
معدومیت کے خطرے سے دوچار کچھوا کھانے سے 3 افراد ہلاک، درجنوں بیمار
04 دسمبر ، 2024
فلپائن میں معدومیت کے خطرے سے دوچار سمندری کچھوا کھانے سے 3 افراد ہلاک اور درجنوں اسپتال پہنچ گئے۔
برطانوی میڈیا کے مطابق فلپائن کے ایک ساحلی علاقے میں سمندری کچھوا کھانے سے 3 افراد ہلاک ہوگئے جبکہ 32 افراد اسپتال میں زیر علاج ہیں۔
مقامی ٹیڈورے برادری کے افراد نے اتوار کے روز ایک سمندری کچھوے کا شکار کیا اور اسے پکا کر کھالیا جس کے بعد ان کی طبیعت بگڑ گئی۔
حکام کو شبہ ہے کہ آلودہ کائی کھانے کے باعث سمندری کچھوے کا گوشت زہریلا ہوچکا تھا۔
حکام کے مطابق مقامی افراد نے جن پالتو کتوں، بلیوں اور مرغیوں کو کچھوے کا گوشت کھلایا ان میں سے بھی اکثر زندہ نہیں رہے۔
ایک مقامی اہلکار نے غیرملکی میڈیا سے بات کرتے ہوئے کہا کہ یہ انتہائی افسوسناک واقعہ ہے کیونکہ یہاں مچھلی اور لوبسٹر جیسی سمندری غذائیں دستیاب ہیں۔
فلپائن میں ماحولیاتی تحفظ کے قوانین کے تحت سمندری کچھوؤں کے شکار اور ان کا گوشت کھانے پر پابندی ہے تاہم یہ عمل کچھ برادریوں میں برقرار ہے۔
خیال رہے کہ فلپائن میں 2013 میں بھی کچھوے کا گوشت کھانے سے 4 فراد ہلاک ور 68 بیمار ہوگئے تھے۔
مزید خبریں :
کیا روزانہ مچھلی کے تیل کے کیپسول کھانے سے فائدہ ہوتا ہے؟
03 دسمبر ، 2024
ڈپریشن جیسے عام مرض سے بچنے کا آسان طریقہ
03 دسمبر ، 2024
توند نکلنے سے سنگین مرض کا خطرہ بڑھنے کا انکشاف
03 دسمبر ، 2024
پاکستان میں پولیو وائرس کے 3 مزید کیسز کی تصدیق
02 دسمبر ، 2024
جوڑوں کی تکلیف سے بچنے کے لیے ان غذاؤں کا استعمال عادت بنالیں
01 دسمبر ، 2024
