06 دسمبر ، 2024 
کینیڈا: کچن میں جھگڑا، روم میٹ نے چاقو سے بھارتی طالبعلم کو قتل کر ڈالا
06 دسمبر ، 2024
کینیڈا میں ایک طالب علم کو کچن میں جھگڑے پر روم میٹ نے چاقو کے وار کر کے قتل کر دیا۔
بھارتی میڈیا کے مطابق یہ واقعہ کینیڈا کے شہر سارنیا میں پیش آیا جہاں لیمبٹن کالج میں زیر تعلیم 22 سالہ بھارتی طالب علم گوراسی سنگھ کو اس کے روم میٹ نے قتل کیا۔
میڈیا رپورٹس کے مطابق دونوں روم میٹس کے درمیان کچن میں جھگڑا ہوا، جس پر طیش میں آتے ہوئے 36 سالہ کراسلے ہنٹر نے بھارتی طالبعلم کو چاقو کے وار سے قتل کر دیا۔
اس حوالے سے پولیس نے بتایا کہ اطلاع ملنے پر پولیس فوری جائے وقوعہ پر پہنچی اور انہوں نے گوراسی سنگھ کو بری طرح زخمی پایا جبکہ ملزم کراسلے ہنٹر کو بھی موقع پر ہی گرفتار کرلیا گیا۔
پولیس کا کہنا ہے کہ جائے وقوعہ سے شواہد جمع کر لیے گئے ہیں جبکہ ملزم کو عدالت میں بھی پیش کیا جائے گا، کالج کی جانب سے اپنے طالب علم کی موت پر افسوس کا اظہار کیا گیا ہے۔
مزید خبریں :
یمنی حوثیوں نے 150 سے زائد جنگی قیدی رہا کردیے
48 منٹ پہلے
