13 دسمبر ، 2024 
پاکستان
آہنی راڈ، سریا، ٹی آئرن اور دیگر سامان باڈی سے باہر لوڈ ہوا تو چالان اور مقدمہ ہوگا: سی ٹی او/ فائل فوٹو
لاہور: مال روڈ سمیت مختلف سڑکوں پر لوڈ رکشوں کے داخلے پر پابندی عائد
13 دسمبر ، 2024
لاہور: عوام کی حفاظت کیلئے ماڈل روڈز پر لوڈر رکشوں کا داخلہ بند کردیا گیا۔
چیف ٹریفک آفیسر عمارہ اطہر نے بتایا کہ مال روڈ، جیل روڈ اور کینال روڈ، مین بلیوارڈ گلبرگ اور کینٹ میں لوڈر رکشوں کا داخلہ ممنوع قرار دیا گیا ہے۔
سی ٹی او کے مطابق آہنی سامان سے لدھے رکشوں کی تعداد میں روزبروز اضافہ انتہائی خطرناک ہے لہٰذا آہنی راڈ، سریا، ٹی آئرن اور دیگر سامان باڈی سے باہر لوڈ ہوا تو چالان اور مقدمہ ہوگا۔
عمارہ اطہر نے مزید بتایا کہ انسانی جانوں کے تحفظ پر کوئی سمجھوتہ نہیں ہوگا، ڈرائیور کے ساتھ ساتھ رکشہ مالک کو بھی ایف آئی آر میں نامزد کیا جائے گا جب کہ اوورلوڈنگ کرنے والوں کے لائسنس بھی منسوخ کیے جائیں گے۔
