15 دسمبر ، 2024 
نیب نے عوام کو جعل سازوں کے نت نئے طریقوں سے بچنے کیلئے خبردار کردیا
15 دسمبر ، 2024
نیب نے ملک میں جعل سازوں کے نت نئے طریقوں سے عوام کو لوٹنے پر وارننگ جاری کر دی۔
نیب نے وارننگ جاری کرتے ہوئے کہا کہ عوام مالی معاملات میں احتیاط کریں، احتیاط پچھتاوے سے بہتر ہے، باخبر رہیں اور محفوظ رہیں۔
اس کے علاوہ نیب نے عوام سے اپیل کی ہے کہ وہ غیر رجسٹرڈ ہاؤسنگ اسکیموں کی فائلیں نہ خریدیں، اے ٹی ایم کارڈ بلاک ہونے کے پیغامات جعلی ہوتے ہیں، ایسے پیغامات کا نہ جواب دیں نہ کوئی تفصیل فراہم کریں اور سرمایہ کاری کے بدلے میں بڑے انعام کا وعدہ بھی فراڈ ہوتا ہے، اس جھانسے میں بھی نہ آئیں۔
قومی احتساب بیورو نے عوام سے کرپٹو کرنسی کی آن لائن ٹریڈنگ کے فراڈ سے بھی محتاط رہنے کا کہا ہے اور ساتھ یہ بھی کہا کہ پرائیویٹ لون ایپس بھی فراڈ کی ایک قسم ہے، اس پر بھی اعتبار نہ کیا جائے جبکہ پونزی اسکیموں کا فراڈ بھی زوروں پر ہے، آن لائن لاٹری کی اسکیموں کے فراڈ سے بھی بچا جائے۔
نیب نے پیغام میں مزید کہا کہ بے نظیر انکم سپورٹ فنڈز کے جعلی پیغامات بھی بڑھ گئے ہیں، فارن کرنسی کی آن لائن ٹریڈنگ بھی فراڈ ہے، عوام اپنے بینک اکاؤنٹ کی معلومات کسی کو نہ دیں، زیادہ اور غیر حقیقی منافع کے لالچ میں نہ آئیں اور تصدیق کرلیں کہ سرمایہ کاری کی اسکیم مجاز اتھارٹی سے منظور شدہ ہے۔
مزید خبریں :
کراچی: تجارت میں سہولت کیلئے فیس لیس کسٹمز اسسمنٹ سسٹم نافذ
15 دسمبر ، 2024
مسلسل اضافے کے بعد سونے کی قیمت میں بڑی کمی
13 دسمبر ، 2024
چینی کی قیمت میں 10سے 15 روپے فی کلو اضافہ
13 دسمبر ، 2024
