17 دسمبر ، 2024 
ملک میں سب سے زیادہ غریب شخص ٹیکس دیتا ہے: چیئرمین ایف بی آر
17 دسمبر ، 2024
چیئرمین فیڈرل بورڈ آف ریونیو (ایف بی آر) راشد محمود لنگڑیال کا کہنا ہےکہ ملک میں سب سے زیادہ غریب شخص 17 سے 18 فیصد ٹیکس دیتا ہے لیکن امیر پورا ٹیکس ادا نہیں کرتا۔
لاہور چیمبر میں تاجروں سےگفتگو کرتے ہوئے چیئرمین ایف بی آر کا کہنا تھا کہ اس وقت ہمیں انکم ٹیکس اور سیلز ٹیکس میں تقریباً پانچ کھرب روپے سالانہ کمی کا سامنا ہے، امیر طبقہ مکمل ٹیکس نہیں دیتا، میں ایمنسٹی کے حق میں بالکل نہیں ہوں، فاریکس کے معاملے پر حکومت نے اچھے اقدامات کیے ہیں۔
چیئرمین ایف بی آر کا کہنا تھا کہ ہم ایسا نظام بنا رہے ہیں جس سے تمام لوگ ٹیکس نیٹ میں شامل ہوں گے، ایف بی آر سے کالی بھیڑوں کا صفایا کر دیا ہے، ایف بی آر پر اس وقت حکومت یا کسی بھی ادارے کا کوئی پریشر نہیں، اسمگلنگ روکنے کے لیے ایک جامع حکمت عملی مرتب کر رہے ہیں۔
راشد محمود لنگڑیال نےکہا کہ ایف بی آر سےکالی بھیڑوں کا مکمل صفایا کیا جائےگا، ہم نے شوگر ملوں پر جو ٹریک سسٹم لگایا ہے اس سے وہ کافی پریشان دکھائی دے رہے ہیں، تاجروں اور صنعت کاروں کو کسٹم کلیئرنگ ایجنٹس کے چنگل سے نکالنے کے لیے سسٹم بنایا گیا ہے۔
اس موقع پر لاہور چیمبر کے صدر میاں ابوذر شاد اور دیگر عہدیداروں نے کہا کہ ٹیکس وصولی کا نظام آسان بنایا جانا چاہیے، حکومتی اداروں کے پاس تمام امیر لوگوں کا ڈیٹا موجود ہے، انہیں ٹیکس نیٹ میں لایا جائے اور ریفارمز کا عمل جلد مکمل کیا جائے۔
مزید خبریں :
انٹربینک میں ڈالر 10 پیسے مہنگا ہوگیا
27 فروری ، 2025
اسٹاک ایکسچینج کے 100 انڈیکس میں معمولی کمی
27 فروری ، 2025
ملک بھر میں سونے کی قیمت میں مسلسل تیسرے روز کمی
27 فروری ، 2025
پاکستان میں مردوں کے مقابل کتنے فیصد خواتین کے بینک اکاؤنٹس ہیں؟
27 فروری ، 2025
اسٹاک ایکسچینج میں کاروبار کا منفی دن، 100 انڈیکس میں کمی
26 فروری ، 2025
