20 دسمبر ، 2024 
کورنگی میں پولیو کے قطرے نہ پلانے پر بضد فیملی کا ٹیم پر حملہ، پولیس اہلکاروں کے کپڑے پھاڑ دیے
20 دسمبر ، 2024
کراچی میں پولیو کے قطرے پلانے والی ٹیم پر حملے میں پولیو ورکرز اور پولیس اہلکار زخمی ہوگئے۔
پولیس کے مطابق کورنگی میں آج انسداد پولیو مہم جاری تھی جہاں پولیو ورکرز قطرے پلانے کے لیے فیملی پاس گئے تو علاقے میں موجود فیملی نے بچوں کو پولیو کے قطرے پلانے سے منع کیا اور ٹیم پر حملہ کردیا، فیملی نے پولیو ٹیم کو بیلچوں سے مارا، ان سے موبائل فون بھی چھین لیے۔
پولیس نے بتایا کہ واقعے کی اطلاع ملتے ہی مزید نفری علاقے میں پہنچ گئی اور ٹیم پر حملہ کرنے والے 6 افراد کو گرفتار کرلیا جن میں 4 خواتین بھی شامل ہیں۔
پولیس کے مطابق گرفتار ملزمان میں سمینہ، ماہ جبین، آمنہ، اقرا، عمران اور سفیان شامل ہیں۔
پولیس کا کہنا ہےکہ حملے میں معمولی زخمی ہونے والے پولیو ورکرز اور اہلکاروں کو طبی امداد کے لیے اسپتال منتقل کردیا گیا ہے۔
مزید خبریں :
ملک میں گیس کی دستیابی میں بڑی کمی ریکارڈ
4 گھنٹے پہلے
سندھ میں مرحوم ملازمین کی اولاد کیلئے کوٹہ ختم
6 گھنٹے پہلے
