21 دسمبر ، 2024 
پاکستان
جرم ثابت ہونے پردونوں کوملٹری کورٹ سے 10، 10 سال قید با مشقت کی سزا سنائی گئی تھی— فوٹو:فائل
جی ایچ کیو حملہ کیس میں 10، 10 سال قید کی سزا پانے والے 2 مجرمان اڈیالہ جیل منتقل
21 دسمبر ، 2024
جنرل ہیڈکوارٹرز (جی ایچ کیو) راولپنڈی حملہ کیس میں 10، 10 سال قید کی سزا پانے والے 2 مجرمان کو اڈیالہ جیل منتقل کردیا گیا۔
سانحہ 9 مئی میں ملوث 25 مجرمان کو فوجی عدالتوں کی جانب سے سزائیں سنا دی گئی ہیں۔ مجرمان کو 2 سے 10 سال تک قید بامشقت کی سزائیں سنائی گئی ہیں۔
ذرائع کے مطابق جی ایچ کیو حملہ کیس میں 10، 10 سال قید کی سزا پانے والے 2 مجرمان کو اڈیالہ جیل منتقل کردیا گیا۔ ذرائع کا کہنا ہے کہ اڈیالہ جیل پہنچائے گئے مجرمان میں راجہ محمد احسان اور عمر فاروق شامل ہیں۔
جرم ثابت ہونے پر دونوں کوملٹری کورٹ سے10، 10 سال قید با مشقت کی سزا سنائی گئی تھی۔
