23 دسمبر ، 2024 
پاکستان
صدر اور وزیراعظم کا قانونی امور پر تمام سیاسی اسٹیک ہولڈرز کی مشاورت سے آگے بڑھنے کا فیصلہ
23 دسمبر ، 2024
صدر مملکت آصف علی زرداری اور وزیر اعظم شہباز شریف نے قانونی امور پر تمام سیاسی اسٹیک ہولڈرز کی مشاورت سے آگے بڑھنے کا فیصلہ کرلیا۔
وزیراعظم شہبازشریف نے صدر آصف علی زرداری سے ایوان صدرمیں ملاقات کی جس میں ملکی امور اور سیاسی صورتحال پر تبادلہ خیال کیا گیا۔
دونوں رہنماؤں نے پارلیمنٹ میں قانون سازی، معاشی اور سکیورٹی صورتحال پر گفتگو کی۔
صدر مملکت اور وزیرِ اعظم نے ملکی ترقی کیلئے مل کر آگے بڑھنے کے عزم کا اعادہ کیا اور صدر مملکت نے وزیرِ اعظم کو ملکی ترقی اور استحکام کیلئے تعاون کی یقین دہانی کرائی۔ شہباز شریف نے صدر آصف زرداری کی صحت کیلئے نیک خواہشات کا اظہار کیا۔
مزید خبریں :
جوڈیشل کمیشن رولز 2010 منسوخ کر دیے گئے
6 گھنٹے پہلے
