24 دسمبر ، 2024 
نامور بھارتی گلوکار کی رہائشی عمارت میں آگ بھڑک اٹھی، خاتون جھلس گئی، حالت تشویشناک
24 دسمبر ، 2024
بالی وڈ گلوکار شان کی رہائشی عمارت میں آگ بھڑک اٹھی جس میں ایک خاتون کو تشویشناک حالت میں ریسکیو کر لیا گیا۔
بھارتی میڈیا رپورٹس کے مطابق ممبئی کے باندرہ ویسٹ میں گلوکار شان کی رہائشی عمارت فارچیون انکلیو کی 7 ویں منزل پر آگ بھڑک اٹھی،گلوکار شان اس عمارت کے 11 ویں فلور پر رہائش پذیر ہیں۔
میڈیا رپورٹس کے مطابق آگ بھڑک اٹھنے کی وجوہات کی تصدیق نہیں کی جا سکی ہے تاہم وجہ شارٹ سرکٹ بتائی جارہی ہے۔
بتایا جارہا ہے کہ آگ بھڑکنے کے فوری بعد فائربریگیڈ کا عملہ موقع پر پہنچ گیا تاہم اس دوران 80 سالہ خاتون کو تشویشناک حالت میں ریسکیو کرتے ہوئے اسپتال منتقل کردیا گیا ہے۔
حادثے کے بعد گلوکار شان کا بیا ن بھی سامنے آیا جس میں ان کا کہنا ہے’ آگ بھڑک اٹھنے کے نتیجے میں مجھ سمیت اہل خانہ بھی محفوظ رہے، آگ 7ویں منزل پر لگی لیکن ہم نے 15 ویں منزل پر جاکر خود کو محفوظ کیا اور پھر ریسکیو کیے جانے کا انتظار کرتے رہے، میں اور اہلخانہ مکمل طور پر محفوظ ہیں‘۔
مزید خبریں :
بھارتی فلم ’پشپا 2‘ کی وجہ سے انتہائی مطلوب گینگسٹر پکڑا گیا
23 دسمبر ، 2024
