25 دسمبر ، 2024 
کراچی: زیرِ سمندر انٹرنیٹ کیبل پاکستان سے جوڑنے کا کام جاری، اسپیڈ میں اضافہ متوقع
25 دسمبر ، 2024
کراچی میں زیرِ سمندر انٹرنیٹ کیبل کو پاکستان سے جوڑنے کا کام جاری ہے۔
پاکستان ٹیلی کمیونیکشن اتھارٹی(پی ٹی اے) کے مطابق کیبل 2025 کی چوتھی سہ ماہی تک پاکستان میں فعال ہوگی، پہلے مرحلے میں کیبل کا پی ایل ایس ای کراچی ہاکس بے پر اتاراگیا ہے۔
پی ٹی اے کے مطابق دوسرے مرحلے میں گہرے سمندر میں کیبل بچھانے کاعمل اپریل 2025 سے شروع ہوگا، کیبل 2 افریقا سے پاکستان کو 24 ٹیرا بائٹس بینڈوتھ دستیاب ہوگی۔
اس وقت پاکستان کو 7 زیر سمندر کیبلز سے تقریباً 8 ٹیرا بائٹس بینڈ وتھ دستیاب ہے،یہ کیبل اگلے کئی سال 5G کی ضروریات پوری کرسکے گا۔
پاکستان سافٹ ویئر ہاؤسز ایسوسی ایشن کے صدر سجاد مصطفیٰ کا کہنا ہے کہ امید ہے نئی کیبلز سے انٹرنیٹ کا مسئلہ حل ہوجائے گا ، انٹرنیٹ اسپیڈ بڑھے گی۔
واضح رہے کہ گزشتہ دنوں وزیر مملکت برائے انفارمیشن ٹیکنالوجی شزہ فاطمہ نے اعتراف کیا تھا کہ ملک میں انٹرنیٹ کی اسپیڈ اس طرح نہیں ہے جیسے ہونی چاہیے۔
انٹرنیٹ اسپیڈ میں کمی پر حکومتی اتحادی پیپلز پارٹی نے حکومت پر چڑھائی کی تھی۔
قومی اسمبلی اجلاس کے دوران اظہار خیال کرتے ہوئے شازیہ مری نے کہا کہ ہنسی آرہی تھی کہ ایسی انٹرنیٹ اسپیڈ میں ڈیجیٹل نیشن بل لایا گیا، فائر وال سن سن کا کان پک گئے ہیں۔
مزید خبریں :
ناسا کا پارکر مشن سورج کے قریب ترین جانے میں کامیاب
3 گھنٹے پہلے
گوگل والٹ پیمنٹ سسٹم پاکستان آنے کیلئے تیار
4 گھنٹے پہلے
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
