24 دسمبر ، 2024 
پاکستان
اسسٹنٹ اٹارنی جنرل نے عدالت کو بتایا کہ درخواست گزار کا شوہر مظفرآباد سے لاپتہ ہوا ہے، وہاں ایف آئی آر درج ہے۔ فوٹو فائل
لاپتہ شہری کی بازیابی کا کیس، ڈی جی ایم آئی سے رپورٹ طلب
24 دسمبر ، 2024
اسلام آبادہائیکورٹ نے آزاد کشمیرکے لاپتہ شہری کی بازیابی کے کیس میں ڈی جی ملٹری انٹیلی جنس (ایم آئی) سے رپورٹ طلب کر لی۔
اسلام آباد ہائیکورٹ کے جسٹس محسن اختر کیانی نے آزاد کشمیر کے لاپتہ شہری کی بازیابی سے متعلق کیس کی سماعت کی۔
درخواست گزار ناظمہ فتح یاب کی جانب سے وکیل ایمان زینب مزاری عدالت میں پیش ہوئیں جبکہ اسسٹنٹ اٹارنی جنرل اور وزارتِ دفاع کا نمائندہ بھی عدالت کے سامنے پیش ہوئے۔
اسسٹنٹ اٹارنی جنرل نے عدالت کو بتایا کہ درخواست گزار کا شوہر مظفرآباد سے لاپتہ ہوا ہے، وہاں ایف آئی آر درج ہے۔
اسلام آباد ہائیکورٹ نے ڈی جی ایم آئی سے رپورٹ طلب کرتے ہوئے انہیں لاپتہ شہری س متعلق بند لفافہ رپورٹ جمع کرانے کا حکم دے دیا۔
