29 دسمبر ، 2024 
اسرائیلی وزیر اعظم پراسٹیٹ انفیکشن کا شکار، سرجری کیلئے اسپتال میں داخل
29 دسمبر ، 2024
تل ابیب: اسرائیلی وزیر اعظم بنیامین نیتن یاہو پراسٹیٹ انفیکشن کے باعث اسپتال میں داخل ہوگئے۔
اسرائیلی میڈیا کے مطابق طبی ماہرین نے اسرائیلی وزیر اعظم کے پراسٹیٹ نکالنے کا مشورہ دیا ہے جس کے لیے سرجری آج ہوگی۔
اسرائیلی وزیر اعظم کو پراسٹیٹ نکالے جانے کی سرجری کے باعث کئی دن اسپتال میں رکھا جائے گا جس کے باعث ان کے خلاف کرپشن کیس کی سماعت بھی منسوخ کردی گئی ہے۔
اسرائیلی وزیر اعظم اصرار کرتے رہے ہیں کہ وہ مکمل طور پر صحت مند ہیں اور ان کے دفتر کی جانب سے ان کے محاذ جنگ کے دوروں کی ویڈیوز اور تصاویر جاری کرکے ان کے اس دعوے کو مزید تقویت دی جاتی رہی ہے۔
تاہم ان کے اس دعوے کو اس وقت ٹھیس پہنچی جب گزشتہ برس نیتن یاہو کے ڈاکٹروں نے انکشاف کیا کہ انہیں عارضہ قلب لاحق ہے، جس کے بارے میں وہ طویل عرصے سے جانتے تھے لیکن اسے عوام سے چھپائے رکھا تھا۔ اس مرض کے باعث نیتن یاہو کو پیس میکر لگایا گیا تھا۔
رواں سال کے آغاز میں نیتن یاہو ہرنیا کے آپریشن کے لیے بھی اسپتال میں داخل ہوئے تھے۔
اسرائیلی میڈیا کے مطابق نیتن یاہو کی غیر موجودگی میں اسرائیلی وزیر انصاف یاریو لیون قائم مقام وزیر اعظم ہوں گے۔
مزید خبریں :
یوکرین کے ذریعے یورپ کو روسی گیس کی سپلائی معطل
4 گھنٹے پہلے
2025 میں اُڑان بھرنے والی فلائٹ 2024 میں لینڈ کرے گی، مگر کیسے؟
01 جنوری ، 2025
