04 جنوری ، 2025 
پاکستان
جناح اسپتال بڑا اسپتال ہے جو بغیر سربراہ کے ہے، عدالت نے سربراہ کو اس لیے نکالا کہ ان کے مطابق وہ ڈیپوٹیشن پر ہے: مراد علی شاہ— فوٹو:فائل
پیر تک مسئلہ حل نہ ہوا تو جناح اسپتال کا سربراہ تعینات کرکے توہین عدالت کرلونگا: وزیراعلیٰ سندھ
04 جنوری ، 2025
وزیراعلیٰ سندھ مراد علی شاہ نے کہا ہے کہ پیر تک مسئلہ حل نہ ہوا تو خود جناح اسپتال کا سربراہ تعینات کرکے توہین عدالت کرلوں گا۔
مراد علی شاہ کا کہنا تھاکہ جناح اسپتال بڑا اسپتال ہے جو بغیر سربراہ کے ہے، عدالت نے سربراہ کو اس لیے نکالا کہ ان کے مطابق وہ ڈیپوٹیشن پر ہے۔
انہوں نے کہا کہ ڈیڑھ، دو ماہ ہوگئے عدالت میں کیس چل رہا ہے، پیر تک مسئلہ حل نہ ہوا تو میں خود فیصلہ کروں گا۔
وزیراعلیٰ کا کہنا تھاکہ اگر معاملہ حل نہ ہوا تو میں توہین عدالت کردونگا، خود جناح اسپتال کا سربراہ تعینات کرکے توہین عدالت کرلونگا۔
ان کا مزید کہنا تھاکہ جو مجھے دوبارہ سمری بھیجی گئی اس میں تین نام ڈیپوٹیشن پر ہیں، جناح اسپتال میں 19 گریڈ سے اوپر کا کوئی افسر نہیں۔
