04 جنوری ، 2025 
پی ایس ایل فرنچائزز کا ایونٹ میں برقرار کھلاڑیوں کے ناموں کا اعلان، سرفراز 9 برس بعد ریلیز
04 جنوری ، 2025
پاکستان سُپر لیگ 10 کیلئے تمام 6 فرنچائزز نے ایونٹ کیلئے برقرار رکھے جانے والے کھلاڑیوں کے ناموں کا اعلان کردیا۔
پی ایس ایل کے قواعد کے مطابق ہر فرنچائز کو 8 کھلاڑیوں کو برقرار رکھنے کی اجازت ہوتی ہے۔
تین فرنچائزز اسلام آباد یونائیٹڈ، لاہور قلندرز اور کوئٹہ گلیڈی ایٹرز نے آٹھ، آٹھ کھلاڑی برقرار رکھے ہیں جبکہ کراچی کنگز، ملتان سلطانز اور پشاور زلمی نے سات، سات کھلاڑیوں کو برقرار رکھا ہے۔
کوئٹہ گلیڈی ایٹرز کو پی ایس ایل کا چوتھا ایونٹ جتوانے والے سابق کپتان سرفراز احمد کو اُن کی ٹیم نے ریلیز کردیا، پی ایس ایل نائن میں سرفراز احمد کی جگہ جنوبی افریقا کے رائلی روسو کپتان تھے۔
کوئٹہ گلیڈی ایٹرز نے سرفراز احمد کو 9 برس بعد ریلیز کیا اور اب وہ پہلی مرتبہ ڈرافٹ کا حصہ بنیں گے۔
پی ایس ایل 10 کا ڈرافٹ 11 جنوری کو ہوگا، پی ایس ایل ٹین کیلئے 19 ممالک کے 510 کھلاڑیوں نے ڈرافٹ سائن کیا ہے، ایونٹ 8 اپریل سے 19 مئی تک کھیلا جائے گا۔
مزید خبریں :
بلا مسلسل خاموش اور تنقید کا سامنا،کیا کوہلی ریٹائر ہو رہے ہیں؟
06 جنوری ، 2025
